लेखनाथ-पोखरा । सम्बृद्धि कृषि बचत तथा ऋण सहकारी संस्थाले पोखराको लेखनाथमा रत्तदान कार्यक्रम सम्पन्न गरेको छ । कार्यक्रममा ६५ युनिट रगत संकलन भएको थियो ।
कार्यक्रमलाई गण्डकी प्रदेश सरकारका मन्त्री हरीशरण आचार्यले उदघाट्न गर्दै सरकारले कोरोना विरुद्धको खोपलाई पहिलो प्राथमिकतामा राखेको बताए । मन्त्री आचार्यले खोपलाई प्राथमिकता दिदै, त्यसका लागि मुख्यमन्त्रीले संघिय सरकारसँग समन्वय गरिरहेको बताए ।
जनता बचाउनु नै प्रदेश सरकारको पहिलो प्राथमिकता भएको भन्दै मन्त्री आचार्यले सार्वजनिक खरिद ऐनको पालना लगायतका अप्ठयारा कानूनल खोप खरिदमा समस्या भएको भन्दै जिटुजी प्रक्रिया वा के हुनसक्छ त्यसका लागि मुख्यमन्त्री पोखरेलले प्रधानमन्त्री ओलीलाई भेट्न काठमाण्डौं जान लागेको समेत जानकारी दिए ।
संस्थाका अध्यक्ष सुमन भट्टराईको अध्यक्षतामा भएको उत्त कार्यक्रममा बत्ताहरुले कोरोना महामारीका कारण धेरै जसो व्यवसायीहरु धरासायी बन्दै गएको भन्दै यथाशिघ्र खोपको व्यवस्था गर्न समेत मन्त्री मार्फत प्रदेश सरकारलाई आग्रह गरेका थिए ।
कार्यक्रममा संकलित सबै रगत रक्तसंचार केन्द्र पोखरालाई हस्तान्तरण गरिएको सहकारीले जनाएको छ ।
