काठमाण्डौं – नोबल कोरोना भाइरस (कोभिड–१९)बाट आज थप २ हजार ७४५ जनामा कोरोना संक्रमण पुष्टी भएको छ ।
देशको विभिन्न प्रयोगशालामा गरिएको ७ हजार ४४९ पीसीआर परिक्षणमा १ हजार ६८१ जना र ५ हजार ८४१ एन्टिजेन परिक्षणका क्रममा १ हजार ६४ जना गरी २ हजार ७४५ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
योसँगै नेपालमा कोरोना संक्रमण पुष्टि हुनेको संख्या पीसीआर विधिबाट ६ लाख १२ हजार २०२ र एन्टिजेन विधिबाट २२ हजार ४०३ पुगेको छ ।
त्यस्तै गरी पछिल्लो २४ घण्टामा ४ हजार १८७ जनाले कोरोना जितेका छन् । योसँग नेपालमा कोरोना जित्नको संख्या ५ लाख ४० हजार ४३९ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा ४१ जनाको ज्यान गएको छ । कोरोना संक्रमण संगै नेपालमा ज्यान गुमाउनेको संख्या ८ हजार ५०६ पुगेको छ ।
