काठमाण्डौं – पछिल्लो पटक नेपालमा मनसुन भित्रिए संगै विभिन्न स्थानमा भारी बर्षा हुने क्रम जारी रहेको छ । शुक्रबार देखि यो पूर्वी नेपालबाट भित्रिएको मनसुन प्रदेश १, २, बागमती, थण्डकी र लुम्बिनी प्रदेशका पूर्वी भूभागमा फैलिई सकेको छ ।
यो मनसुन मंगलबार सम्म देशभर कायम रहने मौसम पूर्वानुमान महाशाखाले जनाएको छ । विभिन्न स्थानमा मेघगर्जन सहित चट्याङ पर्ने र मध्यम देखी भारी वर्षा हुने भएकोले सर्व साधारणहरुलाई सर्तक रहन महाशाखाले आग्रह समेत गरेको छ । प्रदेश २, गण्डकी प्रदेश र लुम्बिनी प्रदेशका १–२ स्थानमा ठूलो पानी पर्ने सम्भावना देखिएकोले महाशाखाले त्यस क्षेत्रमा बसोबास गर्नेहरुलाई अझै बढी सर्तक रहन अनुरोध गरेको छ ।
आज आइतबार दिउँसो देशभर सामान्य देखि पूर्ण बदली रहनेछ । देशका धेरै स्थानमा वर्षाको सम्भावना रहेकोमा प्रदेश २, गण्डकी र लुम्बिनी प्रदेशका केही स्थानमा ठूलो पानी महाशाखाले जनाएको छ ।
राति पनि पानी पर्नेछ । सोमबार प्रदेश १, २, गण्डकी र लुम्बिनी प्रदेशका केही स्थानमा ठूलो पानी पर्नेछ ।
मंगलबार देशभर बदली रहनेछ भने देशका धेरै स्थानमा वर्षाको सम्भावना रहेको महाशाखाले जनाएको छ । बाग्मती, गण्डकी, लुम्बिनी प्रदेश तथा कर्णाली प्रदेशका थोरै स्थानमा ठूलो पानी पर्ने सम्भावना रहेको छ ।
अबको एक साता नेपालको आकाशमा घाम नलाग्ने भएको छ । बङ्गालको खाडीबाट भारत हुँदै पूर्वी भेगबाट नेपाल प्रवेश गरेको मनसुनी बादलले आकाश ढाकेका कारण अबको एक साता घाम देख्न नपाइने भएको हो ।
