पोखरा – गण्डकी प्रदेशको मुख्यमन्त्रीमा पृथ्वीसुब्बा गुरुङले पनि दाबी प्रस्तुत गरेका छन् ।
उनले आजै राष्ट्रिय जनमोर्चा र जनता समाजवादी पार्टीको समर्थनको पत्र सहित फेरि मुख्यमन्त्रीमा दावी प्रस्तुत गरेका हुन् ।
गुरुङले जनमोर्चाको कृष्ण थापाको पत्र र जसपा प्रदेश कमिटीको पत्रसहित बुझिएको जानकारी प्राप्त हुन आएको छ ।
गएको २७ गते विश्वासको मत प्राप्त गर्न असफल भएका गुरुङले अहिले फेरि दाबी प्रस्तुत गर्दा राजनैतिक बृत्तमा आश्चर्यजनक रुपमा हेरिएको छ । मुख्यमन्त्रीमा गुरुङले फेरि दाबी गर्नुलाई गण्डकीको सत्ता स्वार्थको रुपमा हेरीएको छ ।
यता नेपाली कांग्रेसका नेता कृष्णचन्द्र नेपाली पोखरेलले आफ्नो पक्षमा रहेका ३१ जना सांसदलाई प्रदेश प्रमुखकै सामुन्नेमा उपस्थित गराई मुल द्वारमा धर्ना दिई रकेका छन् । उनीहरुलाई भित्र प्रवेश गर्न नदिन ठुलो संख्यामा नेपाल प्रहरी परिचालन गरिएको छ ।
