डोटी – डोटीको समूहगाढमा जीप दुर्घटना हुदा १ जनाको ज्यान गएको छ भने अर्का १ जना घाईते भएका छन् ।
दिपायल सिलगढी नगरपालिका ४ को समूहगाढमा सु प्र प ००१००१ च २६१५ नं.को महेन्द्रा बोलोरो जीप दुर्घटना हुँदा कैलाली जिल्ला धनगढी उपमहानगरपालिका ५ तारानगर बस्ने ५० वर्षीय जीपचालक हुकुम शाहको ज्यान गएकाे जिल्ला प्रहरी कार्यालय डोटीले पुष्टी गरेको हो ।
कैलालीबाट ब्रोइलर कुखुराका चल्ला र दाना लिएर आउँदै गरेको जीप दुर्घटनामा परी बाजुरा जिल्ला बूढीगङ्गा नगरपालिका ८ बस्ने २६ वर्षीया देवीकुमारी शाह गम्भीर घाइते भएको प्रहरीले जनाएको छ ।
घाइतेको दिपायल पिपल्लामा रहेको शैलेश्वरी अस्पतालमा उपचार भइरहेको छ । उनको अवस्था गम्भीर रहेको उपचारमा संलग्न स्वास्थ्यकर्मीले जनाएका छन् ।
जीप अनियन्त्रित भई सडकबाट कम्तीमा १०० मिटर तल खसेको प्रहरीले जनाएको छ ।
