काठमाण्डौं – नोबल कोरोना भाइरस (कोभिड–१९)बाट आज थप ५ हजार १५३ जनामा कोरोना संक्रमण पुष्टि भएको छ ।
देशै भरको विभिन्न प्रयोगशालामा गरिएको १२ हजार ६५ पीसीआर परीक्षणमा ३ हजार ८७० जना र ५ हजार ६११ एन्टिजेन परीक्षणमा १ हजार २८३ जना गरी कुल ५ हजार १५३ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
योसँगै नेपालमा कोरोना संक्रमितको कुल संख्या ६ लाख ११ हजार ३०८ पुगेको छ ।
पछिल्लो २४ घण्टामा कोरोना संक्रमणका कारण थप १०८ जनाको मृत्यु भएको छ । योसंगै कोरोना भाइरस संक्रमण मृत्यु हुनेको संख्या ८ हजार ९८ पुगेको मन्त्रालयल जनाएको छ ।
