काठमाण्डौँ – विश्वकम फुटवल छनोट अन्तर्गत दोस्रो चरणको छनोट खेलमा नेपाल जोर्डनसँग पराजित भएको छ ।
सन् २०२२ मा कतारमा हुने विश्वकप तथा २०२३ मा चीनमा हुने एशिया कपको लागि गए राति भएको खेलमा नेपाल जोर्डनसँग ३–० गोलअन्तरले पराजित भएको हो ।
नेपाली खेलाडीमाथि शुरुआतदेखि नै जोर्डनको टोली हावी भएको थियो । जोर्डनले पहिलो हाफमा १ गोल तथा दोस्रो हाफमा २ गोल गरेको थियो ।
जोर्डनका लागि बहा फैजलले २ र यजान अल अरबीले १ गोल गरे थिए । जितसँगै जोर्डन समूह बीको दोस्रो स्थानमा उक्लिएको छ । नेपालले अब बिहीबार अस्ट्रेलियासँग खेल्नेछ ।
