गोरखा – गोरखा बारपाककी एक युवतीको बिरगनञ्जबाट उद्धार गरिएको छ ।
जिल्लाको बारपाक सुलिकोट गाउँपालिका ८ की २० बर्षिय युवती सहित तनहुँ घर भएकी २२ बर्षकी रिमा गुरुङलाई पनि मंगलबार प्रहरीले उद्धार गरेको आफन्त नेपालका निर्देशक इन्द्रराज भट्टराईले बताए ।
उद्वार गरेकी युवती जेठ १६ गते साथी रिमाको घरमा गएकी थिईन । रिमाकी अमाजु दिदी पर्ने सीता थापा क्षेत्री भनेर चिनिने सकिना खातुन र भारतीय नागरिक समेत रहेका उनका श्रीमान अस्गर सैफीले ललाई फकाई भारत लान लागेको बेला बिरगञ्जबाट उद्वार गरिएको हो ।
सकिना र अस्गरले उनिहरुलाई कन्या पूजा, महिनावारी नभएको र चोखो युवती चाहिएको त्यसका लागि १ लाख रुपैयाँ पाउने प्रलोभन दिए पछि युवतीहरु भारत जान तयार भएको प्रहरीको प्रारम्भीक अनुसन्धानमा देखिएको छ ।
रिमा सहित वीरगञ्ज पुगेका उनीहरुलाई नेपालगन्जको नाका हुदे भारत जाने भन्दै तनहुँबाट टिप्परमा जेष्ठ १७ गते वीरगञ्ज लगरे बसपार्कको एक होटेलमा राखिएको थियो ।
१८ गते बिहानै युवतीलाई बोर्डर नजिकै पुर्याएका युवतीलाई संका लागि रिचार्ज किन्ने बहानामा पसलमा स्थानीयको सहयोगमा प्रहरीलाई बोलाइदिएपछि रहस्य खुलेको थियो ।
युवतीलाई भारतमा बिक्रीको लागि लगेको आरोपमा सकिना खातुन र निजको श्रीमान् अस्गर सैफी विरुद्ध मानव बेचबिखन तथा ओसारपसारको मुद्दा दर्ता गरि अनुसन्धान थालिएको छ ।
