गोरखा – गोरखा नगरपालिकाले आज गरेको एन्टिजेनमा नगरक्षेत्र भित्रका ८ जनामा कोरोना संक्रमण देखिएको छ ।
नगरपालिकाको स्वास्थ्य शाखाले मंगलबार आहालेमा गरेको एन्टिजेन परिक्षणका क्रममा वडा नम्बर १, ६, ८ र ९ का ८ जनामा संक्रमण पुष्टी भएको हो ।
शाखाका जन स्वास्थ्य अधिकृत निश्चल अर्यालका अनुसार वडा नम्बर १ मा १९ बर्षका १ जना पुरुषमा संक्रमण देखिएको छ भने ६ मा १६ बर्षिया महिला र ४४ बर्षका पुरुष गरी २ जनामा संक्रमण देखिएको छ ।
त्यस्तै गरी वडा नम्बर ८ मा ३ जना पुरुष र १ जना महिलामा र ९ मा १ जना पुरुष गरी कुल ८ जनामा संक्रमण देखिएको गोरखा नगरपालिका स्वास्थ्य शाखाले जनाएको छ ।
