गोरखा – सरकारले आगामी आर्थिक वर्ष २०७७/०७८ का लागि गोरखाको विभिन्न स्थानीय तहहरुलाई ४ अर्व २० करोड १२ लाख रुपैया बजेट विनियोजन गरेको छ ।
अन्तर सरकारी वितिय हस्तान्तरण कार्यक्रम अन्र्तगत जिल्ला भित्रका ११ वटा स्थानीय तहहरुका लागि संघिय सरकारले ४ अर्ब २० करोड १२ लाख रुपैयाँ बिनियोजन गरेको हो ।
आगामी आर्थिक बर्षका लागि केन्द्र सरकारले गोरखा जिल्लाका स्थानीय तहहरुलाई बिनियोजन गरेको रकम चाल आर्थिक बर्षको तलुनामा झण्डै १ अर्ब ५६ करोड ८ लाख रुपैया कम रकम विनियोजन गरेको छ ।
चालु आर्थिक बर्षमा केन्द्रबाट जिल्लामा समपुरक र विषेश बाहेक ५ अर्व ७६ करोड २० लाख बजेट प्राप्त भएको थियो । सरकारले हिजो घोषणा गरेको बजेट मार्फत जिल्ला भित्रका स्थानीय तहहरुलाई अन्तर सरकारी बित्तिय हस्तान्तरण कार्यक्रम अन्र्तगत रकम बिनियोजन गरेको हो ।
कुन पालिकालाई कति रकम ?
- गोरखा नगरपालिकाका ५६ करोड ९५ लाख
- चुमनुव्री गाउँपालिकाका २० करोड १३ लाख
- पालुङ्टार नगरपालिका ५१ करोड ४ लाख
- गण्डकी गाउँपालिका ४० करोड ७२ लाख
- आरूघाट गाउँपालिका ३७ करोड ६५ लाख
- अजिरकोट गाउँपालिका २९ करोड ४८ लाख
- भिमसेन थापा गाउँपालिका ३७ करोड ४२ लाख
- शहिद लखन गाउँपालिका ४० करोड ५३ लाख
- सिरानचोक गाउँपालिका ४२ करोड
- बारपाक सुलिकोट गाउँपालिका ४० करोड ३ लाख
- धार्चे गाउँपालिका २४ करोड १७ लाख
संघिय सरकारले उपलब्ध गराएको यो रकम समानिकरण अनुदान, सशर्त अनुदान, विशेष अनुदान र समपुरक अनुदान पुजिगत शिर्षकका रहेको अर्थमन्त्रालयले जनाएको छ ।