गोरखा – राष्ट्रपति विद्यादेवी भण्डारीले आफुमा नभएको अधिकार प्रयोग गरी प्रतिनिधि सभा विघटन गर्नु निन्दनीय र गैर संवैधानिक कार्य भएको नेपाली काँग्रेस गोरखाले आरोप लगाएको छ ।
वैकल्पिक सरकार बनाउने अवस्था हुदा हुदै राष्ट्रपतिले जवरजस्ती आफुमा नभएको अधिकार प्रयोग गरी असंवैधानिक तवरबाट केपी ओलीलाई प्रधानमन्त्रीमा नियुक्ति गरेर प्रतिनिधि सभा विघटन गर्नु निन्दनिय र गैर संवैधानिक कार्य भएको जनाएको हो ।
नेपाली काँग्रेस गोरखाले आज एक विज्ञाप्ती नै जारी गरी उक्त कार्यको निन्दा समेत गरेको छ । सचिव नन्दप्रसाद न्यौपानेद्वारा हस्ताक्षरित विज्ञप्तीमा ‘के.पीं वलीको नेतृत्वमा सरकार गठन भएपछि निरन्तर रुपले गैर संवैधानिक र अलोकतान्त्रिक गतिविधि गर्दै लोकतान्त्रिक मुल्य मान्यताको अबमुल्यन, विधि पद्वतिको ब्यवस्था र संसदीय पद्वतिको खिल्ली उडाउने काम भएको छ’ भनिएको छ ।
साथै नेपाली काँग्रेसका संसदीय दलको नेता ‘शेरबहादुर देउवाले प्रतिनिधि सभामा तत्काल कायम रहेको सदस्य संख्याको स्पष्ट बहुमत सहित १४९ जना माननीय सदस्यहरुको हस्ताक्षर सहित प्रधानमन्त्रीको लागि दावि प्रस्तुत गर्नु भएको’ स्मरण गराउदै त्यस्तो अवस्थामा ‘तत्काल प्रधानमन्त्री नियुक्त गनुपर्नेमा त्यसलाई इन्कार गरी बैकल्पिक सरकार बनाउने बवस्था हुदा हुदै राष्ट्रपतिले जवरजस्ती आफुमा नभएको अधिकार प्रयोग गरी असंवैधानिक तवरबाट के.पि.वलीलाई नै प्रधानमन्त्रीमा नियुक्ति गरी मध्यरातमा प्रतिनिधि सभा विघटन गर्नु निन्दनीय र गैर संवैधानिक रहेको छ ।’ भनिएको छ ।
पटक पटक प्रतिनिधि सभाबाट विश्वासको मत लिन असफल भएका ब्यक्तिलाई पुनः प्रधानमन्त्रीमा निरन्तरता दिएकोमा आक्रोस पोख्दै नेपाली काँग्रेस गोरखाले ‘एक पटक प्रतिनिधि सभाबाट विश्वासको मत लिन असफल भई संसदमा स्पष्ट अल्पमतमा परिसकेका र अर्को पटक बहुमत देखाउन नसक्ने स्यमं घोषणा गरिसकेको माननीय के.पी.वलीलाई प्रधानमन्त्रीमा निरन्तरता दिने काम संविधानको भावना विपरित असंवैधानिक मात्र होइन अनैतिक कार्य पनि हो’ विज्ञप्तीमा भनिएको छ ।
नेका गोरखाले पदको चरम दुरुपयोग गरी राष्ट्रपतिबाट भएका घार असंवैधानिक, अलोकतान्त्रिक, अधिनायकवादी र सर्वसत्तावादी कार्य भएको घोर भत्र्सना र निन्दा गर्दै संघीय लोकतान्त्रिक गणतन्त्र र नेपालको संविधानको रक्षाका लागि सबै लोकतन्त्रवादी शक्तिहरुलाई एक जुट भई कार्य गर्न आब्हान गरेको छ ।
