गोरखा – गोरखाका एक जना युवा ब्यवसायीले कोरोना संक्रमित ओसार पसार गर्न आफुले प्रयोग गर्दै आएको सुविधा सम्पन्न निजी सवारी साधन गोरखा नगरपालिकालाई हस्तान्तरण गरेका छन् ।
गोरखा नरपालिका ८ निवासी चन्दनबावु खत्रीले आफुले प्रयोग गर्दै आएको सुविधा सम्पन्न बा.१६ च २००१ नम्बरको टाटा एक्ट्रोम गाडी आज गोरखा नगरपालिका मेयर राजनराज पन्तलाई हस्तान्तरण गरेका हुन् ।
हाेटल सत्यमा सञ्चालक तथा नेपाल काँग्रेस गोरखा नगर सभापति समेत रहेका खत्रीले कोरोना संक्रमितहरुको उपचारमा बिलम्ब नहोस भनेर आफुले प्रयोग गर्दै आएको सुविधा सम्पन्न सवारी साधान गोरखा नगरपालिकालाई हस्तान्तरण गरेको बताए ।
प्राप्त सवारी साधन निषेधाज्ञा अवधी भर नगर क्षेत्रमा समस्या पर्ने कोभिडका बिरामीलाई प्रयोगमा ल्याईने गोरखा नगरपालिका मेयर राजनराज पन्तले बताए ।
खत्रीले उत्त सवारी साधान गोरखा नगरपालिकामा आफै उपस्थित भएर हस्तान्तरण गरेका हुन । कार्यक्रममा गोरखा नगरपालिकाका उप मेयर बिनाकुमारी श्रेष्ठ, प्रमुख प्रशासकिय अधिकृत दिनेशराज पन्त तथा नेपाली काँग्रेस गोरखा नगर समितिका पदाधिकारीहरुको समेत उपस्थिती रहेको थियो ।
तस्बिर साैजन्य : नरहरी सापकाेटा/अघ्यक्ष नेपाल पत्रकार महासंघ गाेरखा
