वीरगञ्ज – बाराको कलैया उपमहानगरपालिकामा घाँटी रेटेर हत्या गरिएको अवस्थामा दाजु भाईको शव फेला परेको छ ।
कलैया उपमहानगरपालिका ७ रंगपुर टोल बस्ने जफार अन्सारीका ८ वर्षका छोरा उस्मान र ५ वर्षका छोरा अमिनको घाँटी रेटेर हत्या गरिएको अवस्थामा शव फेला परेको जिल्ला प्रहरी कार्यालय बाराले पुष्टी गरेको हो ।
प्रहरी प्रवक्ता गौतम मिश्र अनुसार दुवैजना बालकको शव सोही स्थानमा निर्माणाधीन अवस्थामा रहेको मदर्साको भवनमा भेटिएको हो । सोमबार साँझ खेल्न गएका दुवैजना बालक बेपत्ता भएका थिए ।
मंगलबार बिहान दुवै जनाको विभत्स शव अवस्थामा भेटिएको हो । घटनास्थलमा अहिले प्रहरी टोली पुगेको तथा थप अनुसन्धानको लागि महोत्तरीको बर्दिबासबाट तालिमप्राप्त कुकुरको टोली मगाइएको मिश्रले बताए ।
