एजेन्सी – इजरायलले गाजामा रहेको एपी र अलजजिराको कार्यालयमा रकेट प्रहार गरेर ध्वस्त पारी दिएको छ ।
शनिबार इजरायलले गाजामा रहेको एउटा १५ तले भवनलाई निशाना बनाएर हवाई आक्रमण गरेर अमेरिकी समाचार संस्था एसोसिएट प्रेस (एपी) र कतारी टेलिभिजन च्यानल अलजजिराको कार्यालय भवनलाई ध्वस्त पारीदिएको हो ।
इजरायली सेनाले उक्त भवनमा किन आक्रमण गरयो भन्ने कुरा अहिले सम्म पनि पुष्टी हुन सकेको छैन तर त्यस भवनमा हमासको पनि कार्यालय रहेकाले आक्रमण गरेको इजरायली सेनाले जनाएको छ । तर एपी र अलजजिराका पत्रकारहरूले त्यहाँ हमास समूहको कुनै कार्यालय नभएको दाबी गरेका छन् ।
भवनमा आक्रमण हुनभन्दा पहिला नै भवन छोड्न चेतावनी आएकाले कुनै पनि पत्रकारहरू हताहति हुन पाएनन् ।
अलजजिरा टेलिभिजनले उक्त भवन ढल्दै गरेको लाइभ भिडिओ प्रसारण गरेको थियो ।
⭕ LIVE footage of the moment an Israeli air raid bombed the offices of Al Jazeera and The Associated Press in Gaza City ⬇️
🔴 LIVE updates: https://t.co/RvtP1lEX1x pic.twitter.com/RBO1ZiDAl0
— Al Jazeera English (@AJEnglish) May 15, 2021
