गोरखा – गोरखा बजार बाट ठुलो मात्रामा अखाद्य बस्तु बरामद गरिएको छ । जिल्ला प्रशासन कार्यालय गोरखा सहितको संयुत्त टोलीले बुधबार बिहान गोरखा बजारमा रहेको किराना पसलमा गरेको अनुगमनका क्रममा ठुलो मात्रामा अखाद्य बस्तु फेला परेको हो ।
गोरखा नगरपालिका ६ को ८ वटा किराना पसलमा अनुगमन गर्ने क्रममा अमिलो जस्तो देखिने कालो पदार्थ ४२० लि., स्न्याक ४१३ पाकेट, विभिन्न कम्पनीका मसलाहरु ५६ पाकेट, कुरकुरे २२५ पाकेट, मिति उल्लेख नभएको मिश्री ७ पाकेट, बेसन ८ पाकेट, भाई मसला ६ पाकेट, पानी पुरी १५ पाकेट, माल्टोजिङ ४ सिसी, दालमोठ १० पाकेट, ग्लोकोज बिस्कुट ४ पाकेट सामाग्रीहरु मिति गुज्रीएका, नाम नभएका र उपभोग्य मिति उल्लेख नभएका सामाग्री बरामद गरिएको जिल्ला प्रशासन कार्यालयमा प्रशासकिय अधिकृत गणेशप्रसाद भट्टराईले बताए ।
अनुगमन गरिएका संञ्जय किराना पसल, गुप्ता मसला एण्ड किराना पसल, कालिका मसला एण्ड किराना पसल, शिव किराना पसल, अनुश्का मसला एण्ड किराना पसल, ताप्ले किराना पसल, बिनोद मसला एण्ड किराना पसल र सुशिल किराना पसलबाट उत्त सामाग्रीहरु जफल गरिएको अधिकृत भट्टराईले बताए ।
अनुगमन गरिएका सबै पसल सञ्चालकहरुलाई प्रशासनमा उपस्थित गराएर अब आईन्दा पसलमा त्यस्ता सामाग्री पसलमा नराख्ने र राखिएको पाईएमा कानूनी कारवाही गरे मञ्जुर हुने सहमती पत्रका हस्ताक्षर गराईएको जिल्ला प्रशासन कार्यालय गोरखाले जानकारी दिएको छ ।
बरामद सामाग्री आजै एक कार्यक्रम बिच लक्ष्मी बजार क्षेत्रको सामुदायिक जंगलमा लगेर नष्ट गरिएको छ ।
