गोरखा – गोरखा नगरपालिका र पालुङटार नगरपालिका भित्र हुने बिवाह, ब्रतबन्ध र संस्कारजन्य कार्यमा १५ जना भन्दा बढी भेला हुन निषेध गरेको छ ।

सोमबार जिल्ला स्तरीय कोभिड–१९ संकट ब्यवस्थापन केन्द्र गोरखाले गोरखा नगरपालिका र पालुङटार नगरपालिका भित्र हुने बिवाह, ब्रतबन्ध र संस्कारजन्य कार्यमा १५ जना भन्दा बढी भेला हुन निषेध गरेको हो ।

जिल्ला प्रशासन कार्यालय गोरखामा भएको केन्द्रको बैठकले त्यस्ता कार्य पार्टी प्यालेस तथा होटलमा गर्न समेत प्रतिबन्ध लगाएको छ । बिवाह, ब्रतबन्ध र संस्कारजन्य कार्य आफ्नै घरमा गनुपर्ने र त्यस्तो कार्यमा सहभागी हुने संख्या १५ जना भन्दा बढी हुन नहुने निर्णय गरेको छ ।

त्यस्ता कार्य गर्दा पनि स्वास्थ्य मापदण्ड अपनाएर मात्र गर्न पाउने र सवारी साधनको हकमा शुभ विवाहको ब्यानर राखेर चालक, बेहुला, बेहुली र सहचालक सहित बढीमा १५ जनाले मात्र यात्रा गर्न पाउने सहायक प्रमुख जिल्ला अधिकारी कमलराज ढकालले बताए ।

लेखकबाट थप:

• कांग्रेसका बरिष्ठ नेता श्रेष्ठको निधन
• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर