सुर्खेत – नेकपा एमालेले कर्णाली प्रदेश सरकरलाई दिएको समर्थन फिर्ता लिएको छ ।
बुधबार बसेको एमाले संसदीय दलको बैठकले सरकारलाई दिएको समर्थन फिर्ता लिँदै संसद सचिवालयलाई जानकारी गराउने निर्णय समेत गरेको हो ।
कर्णाली प्रदेशमा माओवादी केन्द्रको नेतृत्व रही आएको छ । आजको बैठकले मन्त्रीहरूलाई सरकारबाट फिर्ता हुन निर्देशन दिँदै दलको नेताको रुपमा यामलाल कँडेललाई चयन गरेको छ ।
सोही बैठकले माधव नेपाल पक्षीयका सांसदसँग स्पष्टीकरण माग्ने निर्णय समेत गरेको छ । बैठकमा एमालेका २० जना सांसदमध्ये प्रदेश इञ्चार्ज यमलाल कँडेल सहित १० जना सांसदहरु मात्र सहभागि थिए ।
बैठकले मन्त्री बनेका एमालेका सांसदहरुलाई ५ दिनभित्र फिर्ता बोलाउने निर्णय गरेको हो । कर्णाली प्रदेश सरकारमा एमालेबाट आर्थिक मामिला तथा योजना मन्त्री प्रकाश ज्वाला, सामाजिक विकास मन्त्री दल रावल र उद्योग पर्यटन वन तथा वातावरण मन्त्री नन्दसिंह बुढा छन् ।
