एजेन्सी – अमेरिकामा प्रहरीले घुडाले टेकेर ज्यान गुमाएका अफ्रिकी अमेरिकी समुदायका जोर्ज फ्लोइडको परिवारले २७ मिलियन अमेरिकी डलर राहत पाउने भएको छ ।
गएको वर्षको मे महिनामा अमेरिकामा पुलिसबाट मारिएका अश्वेत व्यक्ति जर्ज फ्लोइडको परिवारले उत्त रकमको राहत पाउने भएको हो ।
अमेरिकाको सहर मिनियापोलिसको प्रशासनले फ्लोइडको परिवारलाई राहत दिने घोषणा मिनियापोलिस नगर परिषद्को बैठकले पारित गरेको थियो ।
अमेरिकाका प्रहरी अधिकारी डेरेक चौविनले घुँडामुनि थिचेर हत्या गरेको भिडियो भाइरल भएको थियो । फ्लोइड मृत्यु प्रकरणको विरोधमा भएको प्रदर्शनका क्रममा प्रहरी र प्रदर्शनकारीहरूबीच अमेरिकाको विभिन्न शहरमा हिंसात्मक झडप भएको थियो ।
