एजेन्सी – म्यानमारमा बिहीबार सेनाविरुद्ध भएको प्रदर्शनमा थप ७ प्रदर्शनकारीको प्रहरीको गोली लागेर मृत्यु भएको छ ।
अन्तर्राष्ट्रिय सञ्चारमाध्यमहरुले जनाए अनुसार बिहीबारको प्रदर्शनमा उत्रिएका प्रदर्शनकारीमाथि प्रहरीले गोली चलाउदा ७ जनाको मृत्यु भएको हो ।
बिहीबार म्यानमारको मियाइङ सहरमा सुरक्षाकर्मीको गोली लागेर ६ जना यान्गोनको नर्थ डागोन जिल्लामा थप १ जनाको मृत्यु भएको हो । एम्नेस्टी इन्टरनेशनलले म्यानमारको सेनाले आन्दोलनकारीमाथि ज्यादती गरेको जनाउदै आएको छ ।
म्यानमारमा सेनाविरुद्धको आन्दोलनमा ६० जनाभन्दा धेरैको मृत्यु र २ हजारभन्दा धेरै मानिस पक्राउ गरिए सकिएको छ ।
फेब्रुअरी १ मा म्यानमारको सेनाले प्रजातन्त्रवादी नेताहरुलाई हिरासतमा लिँदै कू गरेको थियो । त्यसको विरोधमा अहिले निरन्तर म्यानमारमा प्रदर्शन भइरहेको छ ।
मंगलबार म्यानमारबाट भागेर भारत पुगेका ३ प्रहरीले म्यानमारको सेनाले आफूलाई प्रदर्शनकारीहरुलाई मार्ने आदेश दिएको बताएका थिए ।
