काठमाण्डौं – कृषि विकास बैँकले विवरण नबुझाउने ग्राहकहरूको खाता बन्द गर्ने भएको छ ।
बैंकले सूचना गर्दै २०७८ बैशाख मसान्त सम्म ग्राहक पहिचान विवरण अद्यावधिक गर्न भन्दै नगरेको खण्डमा त्यस्ता ग्राहकको बैंक खाता बन्द गर्न लागेको हो ।
निकृय खाताहरू सक्रिय गर्नको लागी सम्बन्धित शाखा वा आफूलाई पायक पर्ने जुनसुकै शाखामा विवरण बुझाउन बैंकले सूचना मार्फत भनेको छ ।
सम्पत्ति शुद्धिकरण निवारण ऐन २०६४ , निवारण नियमावली २०७३ तथा नेपाल राष्ट्र बैंकबाट जारी भएको एकीकृत निर्देशिका २०७७ बमोजिम खाता अद्यावधिक गर्नु पर्ने बैकले जनाएको छ ।
खाता अद्यावधिक गर्दा खाता सञ्चालकले ल्याप्चे र सही भने कानुनी व्यक्ति र प्रबन्धक भएमा छाप अनिवार्य गरिएको छ भने संस्थाको खाता भएमा सञ्चालक, कार्य समिति सदस्य, खाता सञ्चालक तथा १० प्रतिशत स्वामित्व हुने ब्यक्तिहरूको समेत विवरण बुझाउनु पर्ने बैँकले भनेको छ ।