एजेन्सी – शेयर बजारमा आएको चडाव संगै चीनमा गत वर्ष सन् २०२० मा २५९ भन्दा बढी नयाँ अर्बपति थपिएका छन् ।
हुरुन ग्लोबल रिच लिस्टले मङ्गलबार सार्वजनिक गरेको सूचीमा चीनमा विगत ५ वर्षको अवधिमा अर्बपतिको संख्या दोब्बरले बढेको उल्लेख गर्दै सन २०२० मा २५९ जना अर्ब पतिमा थपिएको जनाएको हो । विश्वमै दोस्रो ठूलो अर्थतन्त्र रहेको चीनले पछिल्ला केही वर्षदेखि विकासमा तिब्र रुपमा फड्को मारेको छ ।
विश्वका अधिकांश मुलुकमा कोरोनाभाइरस महामारीले अर्थतन्त्रमा गम्भीर असर पारे पनि चीनले कोरोनाभाइरसलाई समयमै नियन्त्रण गरेपछि सन् २०२० मा पनि राम्रो प्रगति गरेको हो ।
यो सहित चीनमा कूल अर्बपतिको संख्या १ हजार ५८ पुगेको छ । विश्वभरी नै अर्बपतिको संख्या एउटै देशमा १ हजारको संख्या पार गर्ने चीन पहिलो मुलुक भएको छ ।
त्यस्तै गरी अमेरिकामा अर्बपतिको संख्या ६९६ पुगेको छ ।
