गोरखा – कम्प्युटर एशोसिएसन नेपाल गोरखा शाखाको सातौं साधारण सभा सम्पन्न भएको छ । बिहिबार गोरखा सदरमुकाममा क्यान गोरखाको साधारण सभा सम्पन्न भएको हो ।
साधारण सभाको प्रमुख अतिथी क्यान महासंघका सचिव जगनबहादुर गुरुङले विश्वभरी नै महामारीको रुपमा फैलिएको कोरोनाका कारण सूचना प्रविधिका ब्यवसायगर्नेहरु नै पलायन भएको बताए । गुरुङले महामारीको बेला काम गर्न नसकेको भन्दै अबका दिनमा सबैलाई सहयोग र सहकार्य गरेर जाने बताए ।
साधारण सभामा सचिव बावुराम तिवारी र कोषाध्यक्ष भत्तराम रानामगरले आ–आफ्नो प्रतिवेदन सुनाएका थिए ।
कार्यक्रममा क्यान गण्डकी प्रदेशका अध्यक्ष तुलसीराम पाण्डे, सचिव केशव भट्टराई, निवर्तमान केन्द्रीय सदस्य एवं क्यान गोरखाका संस्थापक अध्यक्ष अशोकबावु राना र संस्थापक एवं सल्लाहकार कैलासबावु श्रेष्ठले शुभ कामना मनतब्य राखेका थिए ।
कार्यक्रमको प्रमुख अतिथी गुरुङले पानसमा बत्ती बालेर उदघाट्न गरेका थिए । कार्यक्रम क्यानका जिल्ला अध्यक्ष नोखबहादुर बोगटीको अध्यक्षतामा सम्पन्न भएको हाे ।
