एजेन्सी – अमेरिकाका राष्ट्रपति डोनाल्ड ट्रम्पविरुद्ध महाभियोग प्रस्ताव पेश गरिएको छ ।
गत साता अमेरिकाको संसद् भवनमा हिंसात्मक हमला ट्रम्पकै उक्साहटमा भएको आरोप लागे पछी सोमबार उनीविरुद्ध महाभियोग प्रस्ताव दर्ता गरिएको हो ।
डेमोक्रेटिकाहरुले अमेरिकी संसदमा राखेको प्रस्तावमा डोनल्ड ट्रम्पबाट राष्ट्रपतीय शक्ति खोस्न उपराष्ट्रपति माइक पेन्स र बाँकी मन्त्रिमण्डललाई आग्रह गरिएको छ । तल्लो सदनकी सभामुख न्यान्सी पेलोसीले ट्रम्पका कारण अमेरिकी प्रजातन्त्र र संविधानमाथि तत्काल खतरा रहेको बताएकी छन् ।
महाभियोग प्रस्तावमा छलफल र मतदानका लागि बुधबार तल्लो सदनको बैठक बस्नेछ । नवनिर्वाचित राष्ट्रपति जो बाइडेनले यही जनवरी २० मा सत्ता सम्हाल्दै छन् । त्यसको ९ दिनअघि ट्रम्पविरुद्ध महाभियोग प्रस्ताव दर्ता गरिएको हो ।
राष्ट्रपति ट्रम्पविरुद्ध एकै कार्यकालमा २ पटक महाभियोग लगाइएको यो अमेरिकी ईतिहासमा नै पहिलो पटक हो ।
तल्लो सदनबाट लगाइएको महाभियोगबारे माथिल्लो सदन सिनेटमा सनुवाइ हुनेछ । त्यहाँबाट महाभियोग प्रस्ताव पारित हुन दुईतिहाइ मत आवश्यक हुन्छ ।
बुधबार डेमोक्रेटिक पार्टीका नेता जो बाइडननले गत नोभेम्बरमा सम्पन्न राष्ट्रपति चुनावमा हासिल गरेको जितलाई प्रमाणित गर्ने विषयमा छलफल भइरहेको संसदमा ट्रम्पका समर्थकले हतियार सहित आक्रमण गरेका थिए ।
उक्त्त घटनामा १ जना प्रहरी सहित ६ जनाको मृत्यु भएको थियो ।
