पाँचथर – पाँचथरको ओखलढुङ्गा आइतबार भएको आगलागीबाट २ घर जलेर नष्ट हुँदा रु ७० लाखको क्षति भएको छ ।
कुम्मायक गाउँपालिकामा १ ओखलढुङ्गाका तेजबहादुर थापाको गोठबाट सुरु भएको आगलागीले ७० लाख मूल्य बराबरको क्षति भएको हो ।
जिल्ला प्रहरी कार्यालय पाँचथरले जनाएको अनुसार आगलागीबाट थापाको ढुङ्गा माटोले बनेको फुसको छानो भएको ३ तले घर, ढुङ्गा माटोले बनेको फुसको छानो भएको २ तले भान्छाघर, चौपाया राख्ने ढुङ्गा माटोले बनेको फुसको छानो भएको १ तले ग्वाली, नगद, सुनचाँदीका गरगहना र अन्नपातसमेत जलेर नष्ट भएको छ ।
यस्तै डिकबहादुर थापाको ढुङ्गा माटोले बनेको फुसको छानो भएको ३ तले घर, चौपाया राख्ने ढुङ्गा माटोले बनेको फुसको छानो भएको १ तले ग्वाली, चौपाया भेडा एउटा, नगद, सुनचाँदीका गरगहना र अन्नपातसमेत जलेर नष्ट भएको छ ।
स्थानीयवासी र इलाका प्रहरी कार्यालय यासोकबाट गएको टोलीले तीन घण्टापछि आगो निभाएको थियो ।
साँकेतिक तस्बिर
