काठमाण्डौं – सुनको भाउ आज एकैदिन तोलामा २ हजार ३०० रुपैयाँले घटेको छ ।
शुक्रबार तोलाको ९५ हजार ३०० रुपैयाँमा कारोबार भएको सुनको मूल्य आज ९३ हजार रुपैयाँ तोकिएको नेपाल सुनचाँदी व्यवसायी महासंघले जनाएको हो ।
त्यसैगरी, तेजावी सुनको प्रति तोलाको मूल्य ९२ हजार ५०० रुपैयाँ रहेको छ । साथै चाँदीको मूल्य प्रतितोला १ हजार २३० रुपैयाँ कायम भएको छ । चाँदी मूल्य तोलामा ६० रुपैयाँ घटेको हो ।
शुक्रबार चाँदी तोलाको १ हजार ३३० रुपैयाँमा कारोबार भएको थियो ।
अन्तर्राष्ट्रिय बजारमै सुनको भाउ घटबढ भइरहेकाले नेपाली बजारमा पनि भाउ अस्थिर भएको महासंघले जनाएको छ । कोरोना विरुद्धको खोपमा सफलता मिलेपछि त्यसको असर सुनचाँदी बजारमा देखिएको हो ।