काठमाण्डौं – नेपाली काँग्रेसका सभापति शेरबहादुर देउवाले सर्वोच्च भन्दा पनि ठुलो जनता भएको बताए छन् ।
संसद विघटनको विरोधमा शनिवार काठमाण्डौं ५ मा आयोजित सभालाई सम्बोधन गर्दै उनले अदालत भन्दा पनि ठुलो जनता भएको बताएका हुन् ।
कार्यक्रममा संबोधन गर्दै प्रतिनिधि सभा विघटन सम्बन्धी अदालतमा विचाराधिन मुद्दामा जुलुस निकालेर ‘यो गर, ऊ गर’ भन्न नहुने धारणा राख्दै उनले अदालतको निर्णय पर्खिनुपर्ने बताएका थिए ।
सभापति देउवाले कांग्रेस अदालतको निर्णय मान्छ भनेर बोल्दै गर्दा नजिकैबाट कार्यकर्ताले प्रतिवाद गरेपछि देउवाले सम्बोधन गर्ने कार्यक्रम केही समय अबरुद्ध समेत भएको थियो ।
सभापति देउवाले ओलीले चुनाव गराउँछन् भन्नेमा धेरैलाई शंका रहेको बताए । चुनाव नगराए ओली प्रजातन्त्रविरोधी तत्वको रुपमा रहने र नेपालमा बस्न गाह्रो हुने उनको भनाइ थियो ।
देउवाले अदालतले संसद् विघटन सदर ग¥यो र ओलीले निर्वाचन गराएनन् भने सडकबाटै ओलीलाई फालिने भन्दै देउवाले नेपाली कांग्रेस चुनावमा जान नडराउने बताए ।
सभापति देउवाले नेकपाको लडाईं अरु केही नभइ दाहाल र ओलीको झगडा भएको पनि बताए ।
फाईल तस्बिर
