एजेन्सी – अमेरिकी संसद भवनमा भएको हिंसामा मुत्यु हुनेको संख्या ५ पुगेको छ ।
हिंसामा घाइते भएका १ जना प्रहरी अधिकारीको उपचारको क्रममा बिहीबार राति मृत्यु भएपछि मर्नेको संख्या ५ पुगेको हो ।
क्यापिटल हिल प्रहरीले विज्ञप्ति जारी गर्दै प्रहरी अधिकृत ब्रायन डी सिकनिकको उपचारको क्रममा मृत्यु भएको जानकारी दिएको हो । बुधबार दिउँसो ट्रम्प समर्थकले सुरक्षा घेरा नाघेर संसद भवनभित्र तोडफोड गर्दा उनी नियन्त्रणमा खटिएका थिए ।
यसअघि सो घटनामा ४ जनाको मृत्यु भएको मृत्यु हुनेमध्ये एक महिलालाई प्रहरीले चलाएको गोली लागेको थियो । घटनामा संलग्न ६८ जनालाई प्रहरीले पक्राउ गरिसकेको छ । घटनमा सग्लनलाई कारवाहीको माग अमेरिकाभर भएको छ ।
विश्व समुदायले पनि घटनाको निन्दा गरेका छन् ।
