काठमाण्डौं – नेकपाको दाहाल–नेपाल समूहले आज देशभर शक्ति प्रदर्शन गर्दैछ ।
प्रधानमन्त्रीले असंवैधानिकरुपमा संसद भंग गरेको बिरोधमा दाहाल–नेपाल समूहले आज देशको सबै जिल्ला सदरमुकाममा विरोध जुलुस तथा सभाको आयोजना गरेको हो ।
प्रतिनिधिभा पुनर्स्थापनाका लागि दवाब दिने र प्रधानमन्त्रीले असंवैधानिकरुपमा संसद भंग गरेको विषयमा जनतालाई सचेत गराउन समूहले आन्दोलन थालेको छ ।
सो समूहले आज राजधानीको ११ स्थानबाट जुलुस निकाल्ने र भृकुटीमण्डपमा सभाको आयोजना गरिएको छ । टेकु, लैनचौर, नक्साल, घण्टाघर, रत्नापार्क र बागबजार क्षेत्रबाट जुलुस निस्कने कार्यक्रम राखिएको नेकपा दाहाल–नेपाल समूहले जनाएको छ ।
भृकुटीमण्डपको सभालाई अध्यक्ष पुष्पकमल दाहाल, अर्का अध्यक्ष माधव नेपाल, वरिष्ठ नेता झलनाथ खनाल लगायतले सम्बोधन गर्ने कार्यक्रम छ । प्रदर्शनी मार्गको बीच सडकमा मञ्च बनाएकाले पद्मोदय मोडबाट गाडी डाइभर्सन गरिएको छ ।
प्रतिनिधिसभा विघटनविरुद्ध आन्दोलन गर्न दाहाल–नेपाल समूहले २ हजार ५०१ सदस्यीय सङ्घर्ष समिति गठन गरेको छ ।
