काठमाण्डौँ – सर्वोच्च अदालतमा संसद् विघटनका विरुद्धमा ९ निवेदन परेको छ ।
संसद् विघटन गर्ने सरकारी कदमविरुद्ध सर्वोच्चमा पेश भएको निवेदनको सङ्ख्या ९ पुगेको हो ।
आइतबार ३ वटा निवेदन परेको थियो भने आज (सोमबार) थप ६ वटा मुद्वा पेश भएको छ । यो सहित संसद विघटन गर्ने कार्य बिरुद्वका ९ वटा मुद्वा सर्बोच्चमा पेश भएको छ । पेश भएका सबै निवेदनहरू दर्ता प्रक्रियामा रहेको सर्बोच्चले जनाएको छ ।
पेश भएका निवेदनहरूमा प्रधानमन्त्रीले गरेको सिफारिस र त्यसको राष्ट्रपतिले गरेको अनुमोदन संविधानविपरीत भएकाले बदरको माग गरिएको छ । निवेदनको प्रारम्भिक सुनुवाइ गरी अन्तरिम आदेशको माग भएको छ ।
मन्त्रिपरिषद्को सिफारिसअनुसार राष्ट्रपति भण्डारीले हिजो (आइतबार) संसद विघटन भएको घोषणा गरेकी थिइन् ।
