काठमाण्डौं – नेपाली राष्ट्रिय क्रिकेट टोलीका युवा लेगस्पिनर सन्दीप लामिछाने अस्पताल भर्ना भएका छन् ।
कोरोना संक्रमण पुष्टि भएपछि होम आइसोलेनसमा रहेका लामिछाने श्वासप्रश्वासमा समस्या आएपछि ह्याम्स अस्पताल भर्ना भएका हुन् ।
अस्पताल स्रोतका अनुसार अहिले उनको स्वास्थ्य अवस्था सामान्य रहेको छ ।
सामान्य लक्षण देखिएपछि परीक्षण गराएका उनलाई शुक्रबार संक्रमण पुष्टि भएको थियो ।