लमजुङ – लमजुङको किसेदी खोलामा बोलेरो जीप दुर्घटना हुँदा १ जनाको ज्यान गएको छ भने ११ जना घाइते भएका छन् ।
सुन्दरबजार नगरपालिकाबाट दोर्दी गाउँपालिका ५ पाचोक जाँदै गरेको ग. १ ज ७१२७ नं.को जीप मङ्गलबार साँझ दोर्दी गाउँपालिका ४ को सिख्रेभिर नजिकै दुर्घटना हुँदा पाचोककै ७० वर्षीय सोनी गुरुङको ज्यान गएको लमजुङ प्रहरीले पुष्टी गरेको छ । घाईते गुरुङको उपचारका क्रममा ज्यान गएको हो ।
दुर्घटनामा घाइते गुरुङको स्थानीय मेडिकलमा उपचारका क्रममा ज्यान गएको हो । मृतक गुरुङको शव अहिले लमजुङ सामुदायिक अस्पतालमा ल्याइएको छ ।
दुरर्घटनामा घाईते अन्य ११ जना मध्ये ४ जनाको अवस्था गम्भीर रहेको र ७ जना सामान्य घाइते भएको प्रहरीले जनाएको छ । प्रहरीका अनुसार दोर्दी गाउँपालिका ५ का १५ वर्षका निराजन गुरुङ, १७ वर्षका सुरेश गुरुङ, २० वर्षका प्रकाश गुरुङ र वडा नं. ४ का ४८ वर्षका पञ्चबहादुर तामाङ रहेका छन् ।
जीपका चालक ३७ वर्षीय मखनसिंह गुरुङ समेत घाईते भएका छन् । घाइते सबैको उपचार सामुदायिक अस्पतालमा भइरहेको छ । घाइतेहरुको हातखुट्टा, ढाड, टाउकोलगायत शरीरका विभिन्न स्थानमा चोट लागेको प्रहरीले जनाएको छ ।
रातिको समयमा तथा साँघुरो र अप्ठ्यारो सडक भएका कारण दुरर्घटना भएको प्रहरीले अनुमामान गरेको छ । जीप सडकबाट १५ मिटर तल खसेको छ ।
