काठमाण्डौं – प्रधानमन्त्री केपी शर्मा ओली अहिले केही बेरमा संखुवासभा जाँदै छन् ।
प्रधानमन्त्री ओलीले त्यहाँ अरुण तेश्रो किमाथांका नाका, जलविद्युत परियोजना र उत्तर दक्षिण कोशी राजमार्ग अवलोकन गर्ने कार्यक्रम तय भएको संखुवासभाका प्रमुख जिल्ला अधिकारीले जानकारी गराएका हुन् ।
हेलिकप्टरमार्फत चीनसँग सिमाना जोडिएको उत्तरी क्षेत्रको किमाथांका जान लागेका प्रधानमन्त्रीले भोटखोला गाउँपालिका १ मा पर्ने किमाथांकाका साथै सीमा सुरक्षा पोस्टको अवलोकन गर्नेछन् ।
त्यस्तै प्रधानमन्त्री ओलीले निर्माणधीन भवन, भन्सार कार्यालय र सुक्खा बन्दरगाह समेत अवलोकन गर्ने कार्यक्रम रहेको छ ।
ओलीले आजै बहुचर्चित ९ सय मेगावाटको अरुण तेस्रो जलविद्युत् आयोजनाको पनि अनुगमन गर्नेछन् । प्रधानमन्त्री ओलीले उत्तर दक्षिण कोशी राजमार्गको अनुगमन गर्न च्याम्ताङ जाने कार्यक्रम समेत तय भएको छ ।
