काठमाण्डौं – पूर्वसभामुख तथा प्रतिनिधि सभा सदस्य कृष्णबहादुर महराका पत्नी सीता महराको कोरोना संक्रमणका कारण उपचारका क्रममा ज्यान गएको छ ।
रोल्पा मेबाङमा बस्दै गर्दा स्वास्थ्यमा समस्या आए पछि उनलाई अस्पताल भर्ना गरिएको थियो । उनको उपचारको क्रममा आज बिहान ज्यान गएको अस्पतालले पुष्टी गरेको छ ।
रोल्पा घरमा बस्दा स्वास्थ्यमा समस्या आए पछि कार्तिक १३ गते दाङको गोरखा अस्पतालमा भर्ना गरिएको सितालाई निमोनिया र स्वासप्रश्वासको समस्या देखिएपछि कार्तिक १४ गते शुक्रबार हेलिकोप्टरमार्फत काठमाण्डौं ल्याई नर्भिक अस्पतालमा भर्ना गरिएको थियो।
नर्भिक हस्पिटलमा पीसीआर टेष्ट गर्दा संक्रमण देखिएको थियो । अस्पतालले १५ गतेदेखि नै भेन्टिलेटरमा राखेर उपचार गरिरहेको र आज (बुधबार) बिहान ६ः२५ बजे निधन भएको अस्पतालले जनाएको छ।
२०३५ सालमा कृण्णबहादुर महरा संग विवाह भएको सीतालाई बिगत १ दशक देखी माइस्थेनिया नामक रोगबाट पीडित थिईन । उनको २ छोरा र २ छोरी छन् ।
