काठमाण्डौं – पछिल्लो केही साता देखी काठमाडौं उपत्यकामा संक्रमितहरुको संख्या ह्वात्तै बढेको छ । आजै पनि कुल संक्रमित मध्ये आधा भन्दा बढी अर्थात १३५७ जना उपत्यकाका मात्र छन् । आज देशभरी कुल २५०८ जनामा संक्रमण देखिएको हो ।
स्वास्थ्य तथा जनसंख्या मन्त्रालयका अनुसार ७८८ पुरुष र ५६९ महिला गरेर उपत्यकामा १३५७ जना संक्रमित थपिएका हुन् ।
उपत्यकाको काठमाण्डौंमा मात्रै १० हजार ५०१ जना होम आइसोलेसनमा छन् । उपत्यकाकै ललितपुरमा २२५७ जना होम आइसोलेसनमा हुँदा भक्तपुरमा भने १७१९ जना होम आइसोलेसनमा बसेका छन् ।
मन्त्रालयका अनुसार ६१ हजार ८५५ संक्रमित भएको काठमाडौंमा ४४ हजार ७४६ जना डिस्चार्ज भएका छन् । काठमाण्डौमा अझै १६ हजार ८९० सक्रिय संक्रिमत छन् । संक्रमणकै कारण काठमाण्डौंमा मात्रै आज सम्म २१९ जनाले ज्यान गुमाई सेकेको छ ।
त्यसैगरी उपत्यकाकै भत्तपुरमा ५६९९ संक्रमित रहेकोमा ४४८२ जना डिस्चार्ज भएका छन् भने ११५१ जना सक्रिय संक्रमित छन् । ६६ जनाले ज्यान गुमाई सकेको छ ।
उता ललितपुरमा ८७९४ संक्रमित भएकोमा ६४३१ जना डिस्चार्ज भएका छन् । २३०३ सक्रिय संक्रमित छन् भने ६० जनाले ज्या गुमाई सकेको मन्त्रालयले जनाएको छ ।
