काठमाण्डौं – जनता समाजवादी पार्टी (जसपा) का संघीय परिषद अध्यक्ष डा.बाबुराम भट्टराईले दानपत्र राखेर भए पनि कोरोना पीडितको निःशुल्क उपचार गराउनु पर्ने बताएका छन् ।
सरकार जनताको निशुल्क उपचारको दायित्वबाट भाग्न खोज्नु गैरजिम्मेवार चरित्रको पराकाष्ठा भएको भन्दै अस्पतालमा धनीले दिन चाहे दानपत्र राखौ, तर सबैलाई निशुल्क उपचार हुनुपर्ने बताएका हुन् ।
डा.भट्टराई आज (बुधबार) एक ट्वीट गर्दै ‘कोरोना पिडितलाई निशुल्क उपचारको दायित्वबाट भाग्नु सरकारको गैर जिम्मेवार चरित्रको पराकाष्ठा हो’ भन्दै ‘यसले महामारी झन् विकराल बन्ने छ’ भन्ने धारणा राखेका छन् ।
पूर्वप्रधानमन्त्री समेत रहेका डा.भट्टराईले ‘यो पैसाको अभवा हैन, जनताको ज्यान जोगाउन अरु सबै खर्च रोके हुन्छ’ भन्दै ‘भ्रष्टाचार, फजुल खर्च रोके पुग्ने’ धारणा ब्यत्त गरेका छन् । रोके पुग्छ । अस्पतालमा धनीले दिन चाहे दानपात्र राखौं तर सबैलाई निःशुल्क गरौं ।’
सरकारले हालै मात्र आर्थिकरुपमा विपन्न, अशक्त, असहाय, एकल महिला, अति अपाङ्गता भएका नागरिक, जेष्ठ नागरिक र अग्रपंक्तिमा खटिनेहरुमा लक्षण देखिए मात्रै परीक्षण र उपचार गर्ने र यदि कोरोना बिमा गरेको भए त्यसबाट कट्टा गर्ने निर्णय गरेको थियो ।
सरकारको सोही कुरालाई डा.भट्टराईले सबै जनताको निशुल्क उपचार हुनुपर्ने भन्दै ‘ अस्पतालमा धनीले दिन चाहे दानपत्र राखौ, तर सबैलाई निशुल्क उपचार गरौं’ भन्दै ट्वीट गरेका हुन् ।
