काठमाण्डौ – नेपाल राष्ट्र बैंकले यस वर्ष दशैँकै लागि भनेर नयाँ नोट वितरण नहुने जानकारी गराएको छ ।
बैकले विज्ञप्ती जारी गर्दै कोरोना भाइरसको जोखिम बढ्दै गइरहेकोले नयाँ नोट वितरण गर्न नसकिने जनाएको हो ।
बैंकले नयाँ नोठ बितरण गर्दा धेरै संख्यामा लाइन बस्नु पर्ने र कोरोना संक्रमणको डर हुने र सर्वसाधारणसँगै बैंकका कर्मचारीहरुमा पनि कोरोना देखिइरहेकाले बैंकका शाखा मार्फत पनि नयाँ नोट वितरण गर्न नसकिने राष्ट्र बैंकले स्पष्ट पारेको छ ।
बैंकले चाडपर्वका बेला बजारमा नोटको अभाव हुन नदिने स्पष्ट पारेको छ । विगतका वर्षहरुमा राष्ट्र बैंकले सेवाग्राहीलाई दशैँको अवसरमा लाइन लगाएर ५, १०, २०, ५० र १०० दरका नयाँ नोट सटही गर्दै आएको थियो ।
गत बर्षको दशैँमा राष्ट्र बैंकले ४० अर्बको नोट बजारमा पठाएको थियो ।