काठमाण्डौं – नेपाली बजारमा अस्थिर बनेको सुनको भाउ आज पुनः बढेको छ ।
बुधबार प्रतितोलामा २ हजार ४०० ले वृद्धि भएको हो । सुनको भाउ बढे संगै नेपाली बजारमा आज प्रति तोला ९७ हजार ८०० मा कारोबार भएको नेपाल सुनचाँदी व्यवसायी महासंघले जनाएको छ ।
बुधबार प्रतितोला ६ हजार २०० ले घटेर ९५ हजार ४०० मा कारोबार भएको सुन आज तोलामा २ हजार ४०० ले बढेर प्रतितोला ९७ हजार ८०० पुगेको छ । तेजाबी सुन हिजो ९४ हजार ९०० मा कारोबार भएकोमा आज बढेर ९७ हजार ३०० पुगेको महासंघले जनाएको छ ।
तोलामा एक लाखमाथि पुगेको पहेँलो धातुको मूल्य केही दिनयता निरन्तर घटेर आज फेरि वृद्धि भएको हो ।
चाँदीको मूल्य भने आज प्रतितोला ८५ वृद्धि भएर १ हजार २९५ मा कारोबार भएको छ ।