काठमाण्डौं – नेपाली बजारमा आज सुनको भाउ तोलामा ८०० घटेर १ लाख १ हजार ६०० मा कारोबार भएको छ ।
नेपाल सुनचाँदी व्यवसायी महासंघले सुनको भाउ तोलामा ८०० घटेर १ लाख १ हजार ६०० निर्धारण गरिएको जनाएको हो ।
हिजो (सोमबार) मात्रै पनि सुन तोलामा २०० घटेर तोलाको १ लाख २ हजार ४००मा कारोबार भएको थियो । लगातार उकालो लागेर तोलाको १ लाख ३ हजार ५०० पुगेको सुनको भाउ आइतबारदेखि घट्न थालेको हो ।
नेपाली बजारमा सुनको भाउ घटे पनि चाँदीको भाउले भने रेकर्ड तोडेको छ । आज चाँदी तोलामा ४० रुपैयाँ बढेर तोलाको १ हजार ४३५ रुपैयाँ पुगेको महासंघले जनाएको छ ।
