गोरखा समाचारदाता
काठमाण्डौं – नेपाली बजारमा सुनको भाउ केही महिना भित्रै तोलाको १ लाख ३० हजार सम्म पुग्ने अनुमान गरिएको छ ।
सुनको भाउ दिनदिनै बढन थाले पछि आउने केही महिना भित्रै सुनको भाउ तोलाको १ लाख ३० हजार सम्म पुग्ने अनुमान गएिको हो ।
आजै मात्र पनि नेपाली बजारमा प्रति तोला १ हजार १०० रुपैयाँ बढेर प्रति तोला १ लाख २ हजार ५०० पुगेको नेपाल सुनचाँदी ब्यवसायी महासंघले जनाएको छ ।
हिजो मात्र १ लाख १ हजार ४०० मा कारोवार भएको थियो । तेजावी सुन १ लाख २ हजारमा कारोबार भएको छ । आज चाँदी तोलामा ५० रुपैयाँ बढेर तोलाको १ हजार ३४५ पुगेको छ । मूल्य बढेसंगै नेपाली बजारमा सुनको कारोवार ठप्प प्राय भएको छ ।
सुनको मुल्य अन्तर्राष्ट्रिय बजारमा प्रति औंस २८ डलरले बृद्धि भएपछि त्यसको असर नेपाली बजारमा पनि देखा परेको हो ।
