गोरखा समाचारदाता
काठमाण्डौं – नेपाली बजारमा सुनको भाउले अर्को किर्तीमान रेकड राखेको छ । आज नयाँ रेकर्ड राख्दै प्रति तोला ९६ हजार ३०० मा कारोबार भएको छ ।
तोलामा ५०० बढेर सुनको तोलाको ९६ हजार ३०० निर्धारण गरिएको नेपाल सुनचाँदी व्यवसायी महासङ्घले जनाएको हो । यो भाउ अहिलेसम्मकै उच्च हो ।
कोरोना भाइरसको सङ्क्रमणका कारण विश्वकै अर्थतन्त्र बिग्रिँदै गएको तथा ठूला देशबीच तनाव बढ्दै गएकाले लगानीकर्ता सुनमा आकर्षितले सुन दिन प्रति दिन महँगो हुँदै गएको महासङ्घले जनाएको छ ।
नेपालमा लकडाउनअघि चैत १० गते तोलाको ७७ हजारमा कारोबार भएको थियो । त्यस पछि मात्रै नेपाली बजारमा सुनको भाउ तोलामा १९ हजार ३०० बढेको छ ।
सुनको भाउ महँगो हुँदा देशैभरी किनबेच ठप्प जस्तै भएको छ । अहिले फाट्टफुट्ट मात्रै कारोबार हुने गरेको महासंघले जनाएको छ ।
आजै चाँदी तोलामा ५ रुपैयाँ बढेर तोलाको १ हजार १५५ रुपैयाँ पुगेको छ ।