गोरखा समाचारदाता
काठमाण्डौं – विश्व बैंकले नेपाललाई ५४ अर्ब रुपैयाँ बराबरको उपलब्ध गराउने भएको छ ।
सडक सहयोग आयोजना सम्बन्धी सम्झौतामा आज विश्व बैंक र नेपाल सरकार बिच हस्ताक्षर भएको हो ।
अर्थ मन्त्रालयमा आयोजित कार्यक्रममा अर्थ सचिव शिशिरकुमार ढुंगाना र विश्व बैंकका माल्दिभ्स, नेपाल र श्रीलंकाका लागि निर्देशक फारिस हादाद जर्भोसले ४५ करोड अमेरिकी डलर (५४ अर्ब नेपाली रुपैयाँ) बराबरको सम्झौतामा हस्ताक्षर भएको छ ।
अर्थमन्त्री डा.युवराज खतिवडाले नेपालमा आर्थिक वृद्धि गर्न, राष्ट्रिय र क्षेत्रीय आर्थिक एकीकरणलाई तीव्रता दिन र दिगो विकासका लक्ष्यहरुलाई प्राप्त गर्न आयोजना सहयोगी भूमिका खेल्नेमा आफु विश्वस्त रहेको बताए ।
विश्व बैंकका निर्देशक जर्भोसले कोरोना भाइरस संकटका बाबजुद आर्थिक पुनरुत्थान गर्न नेपाल सरकारको प्रयासलाई आयोजनाले सघाउने आशा ब्यक्त गरे ।
विश्व बैंकले कोरोनापछि नेपालमा आर्थिक गतिविधिलाई बढवा दिन सडक सहयोग आयोजना अन्तर्गत सो सहयोग उपलब्ध गराएको हो ।
सहयोग रकम थानकोट मुग्लिन, कञ्चनपुर ढल्केबर पथलैया सढक सुधार कार्यक्रम र व्यापार सहजीकरण आयोजनामा खर्चिने अर्थ मन्त्रालयले जनाएको छ ।