गोरखा समाचारदाता
काठमाण्डौं – नेपाल राष्ट्र बैंकले आजबाट ५० को नयाँ नोट बजारमा ल्याएको छ ।
पृुरानै आकार, प्रकार तथा रङमा थप केही बिशेषतासहितको नयाँ नोट बजारमा ल्याएको हो ।
आज (सोमबार)बाट ७ करोड थान नोट बजारमा आएको राष्ट्र बैंकले जनाएको छ । नोटको अग्रभागको बायाँतर्फ सगरमाथाको चित्र र दायाँतर्फ लालीगुराँसको पानी छाप छ ।
नोटको तल्लो भागको बोर्डरमा सिरियल नम्बर र नेपालीमा विसं २०७५ लेखिएको राष्ट्र बैंकले जनाएको छ । नोटको पृष्ठभागको बीचमा अंग्रेजीमा नेपाल राष्ट्र बैंक लेखिएको छ । नोटमा हिउँचितुवाको चित्र छ ।
नोटको तल्लो भागको बोर्डरमा रुपैयाँ ५० लेखिएको छ । तल्लो भागको बोर्डरमा सिरियल नम्बर र अंग्रेजीमा २०१९ एडी लेखिएको छ ।
नयाँ नोटमा हस्ताक्षर भने पूर्व गभर्नर डा.चिरञ्जिवी नेपालको रहेको छ । राष्ट्र बैंकले २४ करोड थान ५० का नयाँ नोट छापाएको जनाएको छ ।
