गोरखा समाचारदाता
गोरखा – जिल्लामा संक्रमण पुष्टी भएको ३ दिन पछि मात्र १० जना संक्रमितलाई आइसोलेशनमा राखिएको छ ।
जिल्लाको पालुङटार नगरपालिका ५ जना र भीमसेन गाउँपालिकाका ५ जना गरी १० जनालाई गोरखा क्याम्पसमा बनेको नयाँ आइसोलेनमा राखिएको हो ।
गोरखा अस्पतालको आइसोलेसन कक्षका सबै बेड भरिभराए भएको भन्दै आज १० जना संक्रमितलाई गोरखा क्याम्पसमा बनाइएको आइसोलेसन कक्षमा राखिएको जिल्ला प्रशासन कार्यालय गोरखामा प्रमुख जिल्ला अधिकारी एवं जिल्ला कमाण्ड पोष्टका संयोजक सुरेन्द्र पौडेलले जानकारी दिए ।
संक्रमित सबैको स्वास्थ्य अवस्था समान्य रहेको उपचारमा संलग्न स्वास्थ्यकर्मीले जानकारी दिए ।
क्याम्पसमा हालै बनाउदै गरेको आइसोलेशन कक्ष पुरा नभएको भन्दै संक्रमितलाई सम्वन्धीत क्वारिन्टीनमा नै २ दिन देखी राखिएको हो ।
