गोरखा समाचारदाता
काठमाण्डौं – सुनको कारोबार खुलेको पहिलो दिनमा नै प्रति तोला १० हजार ४०० रुपैयाँले बढेको छ ।
लकडाउन खुकुलो भएर कारोबार सुरु भएको आज (आईतबार) पहिलो दिनमा नै त्यती ठुलो रकम बढेको हो ।
सुनको मुल्य बढे संगै नेपाली बजारमा छापावाल सुनको मूल्य तोलाको ८७ हजार ४०० रुपैयाँ पुगेको नेपाल सुन चाँदी ब्यवसायी महासंघले जनाएको छ । तेजावी सुनको मूल्य ८६ हजार ९६० रुपैयाँ तोकिएको छ ।
अन्तर्राष्ट्रिय बजारमा सुनमा लगानी बढेपछि नेपाली बजारमा पनि महंगिएको सुनमा सरकारले बजेटमार्फत भन्सार दर थपेको थियो ।
सुनको मूल्य लकडाउनअघि चैत १० गते प्रतितोला ७७ हजार रुपैयाँ थियो ।
महासंघले आइतबारका चाँदीको मूल्य प्रतितोला ९२५ रुपैयाँ तोकेको छ ।