गोरखा समाचारदाता
गोरखा – नेपाल बिद्यार्थी संघ गोरखाले सरकार शिक्षा माफियाँ संग मिलेको आरोप लगाएको छ ।
संघले आज जिल्ला प्रशासन कार्यालयमा ज्ञापन पत्र बुझाउदै उत्त आरोप लगाएको हो ।
नेपाल बिद्याथीं संघ गोरखाका अध्यक्ष सुवास अधिकारीद्वारा हस्ताक्षरित प्रेस विज्ञप्तीमा ‘बिद्यार्थीका शैक्षिक गतिविधि लगायतका तमाम बिषयमा बेवास्ता राख्दै नेपाल सरकार जुन ढङ्गबाट सरकारी विद्यालयमा क्वारेन्टाइन स्थल बनाउने र निजि विद्यालयलाई शैक्षिक माफियाँहरु संग मिलेमतो गरी भर्ना प्रकृया र पठनपाठनका लागि गरिएको आब्हान प्रति हाम्रो गंभिर ध्यानाकर्षण भएको’ भन्दै ‘नेपाल सरकारको निरन्तरको नियतवश गरिएको यस्ता गलत क्रियाकलापको नेपाल विद्यार्थी संघ जिल्ला कार्य समिति गोरखा घोर भत्सर्ना गर्दछ’ भनिएको छ ।
ज्ञापन पत्र प्रमुख जिल्ला अधिकारीलाई एक कार्यक्रम बिच बुझाईएको अध्यक्ष अधिकारीले बताए । प्रजिअलाई ज्ञापन पत्र बुझाउदै नेबि संघ गोरखाले बिद्यार्थीहरुको स्वास्थ्य रक्षामा गंभिर बन्न सरकारलाई आग्रह गर्दै ‘असार १ गते देखि निजी बिद्यालयहरुमा भर्ना खुलाउन गरिएको आब्हान तत्काल फिर्ता गरी कार्ययोजना सहित तमाम बिद्यार्थीहरुको स्वास्थ्य रक्षामा गंम्भीर बन्न हामी सरकारसंग जोडदार माग गर्दर्छौ’ भनेको छ ।
संघले निजी बिद्यालयलाई अनलाईन कक्षा र भर्ना लगायतका कुनै पनि बहानामा शुल्क नलिन समेत चेतावनी दिएको छ । ‘यदी कतै त्यस्तो गतिविधी भेटिएमा नेपाल बिद्यार्थी संघ गोरखा त्यसको विरुद्वमा रहने र तत्पश्चात उत्पन्न हुन सक्ने परिस्थितीको जिम्मा निजी बिद्यालय र प्रशासनले लिनुपर्ने’ विज्ञप्तीमा भनिएको छ ।
नेबि संघले सिंगो देश र जनता आक्रान्त भईरहदा राष्ट्रपतिको भवनमा करोडौंको गलौचा खरिद गर्न लागेको भन्दै सरकार एक पछि अर्को भ्रष्ट्राचारमा लिप्त भएको आरोप समेत लगाएको छ ।
