- स्पेनमा एकै दिन ७१८ ले ज्यान गुमाए
गोरखा समाचारदाता
काठमाण्डौं – विश्वमा महारामारीको रुपमा तीब्र गतिमा फैलिरहेको कोरोना भाइरस (कोभिड–१९) का कारण ज्यान गुमाउन संख्या २४ हजार नाघेको छ । कोरोना भाइरस सक्रमणवाट १९९ राष्ट्र प्रभावित भई सकेको छ ।
विश्वभर २४ हजार ७० जनाको ज्यान गुमाई सकेको विश्व स्वास्थ्य संगठनले जनाएको भने ५ लाख ३१ हजारभन्दा बढीमा संक्रमण पुष्टि भइसकेको छ । त्यस मध्ये १ लाख २३ हजार मानिस उपचारपछि स्वास्थ्य लाभ गरेर घर फर्किएका छन् ।
चीनबाट सुरु भएको संक्रमणले अहिले युरोप र अमेरिकालाई सताएको छ । अमेरिकामा कोरोना भाइरसको संक्रमणदर उच्च देखिएको छ । त्यहाँ एकै दिन १७ हजारभन्दा बढी संक्रमित थपिएका छन् भने मृत्यु हुनेको संख्या १ हजार २९३ पुगेको छ ।
इटलीमा कोरोना संक्रमितको संख्या ८० हजार ५ सय नाघेको छ भने ८ हजार २१५ जनाको मृत्यु भइसकेको छ ।
बिहीबार कोरोनाका कारण सबैभन्दा बढी स्पेनका जनताहरुले ज्यान गुमाएका छन । गएको २४ घण्टामा त्यहाँ ७१८ जनाले ज्यान गुमाको छ । त्यहाँ संक्रमितको संख्या करिव ५८ हजार पुगेको छ ।
जर्मनीमा ४४ हजारभन्दा बढीलाई कोरोना संक्रमण पुष्टि भइसकेको छ भने २६७ जनाको ज्यान गईकोछ ।फ्रान्समा कोरोनाका कारण १
हजार ६९६ जनाको ज्यान गएको छ भने ३० हजारभन्दा बढी संक्रमित भएका छन् ।
बेलायतमा पनि कोरोनाका कारण मृत्यु हुनेको संख्या ५७८ पुगेको छ ।
यसैगरी, कोरोनाका कारण इरानमा २ हजार २३४, नेदरल्याण्डमा ४३४, बेल्जियममा २२०, दक्षिण कोरियामा १३० जनाले ज्यान गुमाको छ । चीनमा भने कोरोना संक्रमितको संख्या र ज्यान गुमाउनेको दर घटेको छ । त्यहाँ पछिल्लो २४ घण्टामा ५ जनाको ज्यान गएको थियो। ५५ जना नयाँ संक्रमित भेटिएका छन् ।
