एजेन्सी – विश्व स्वास्थ्य संगठन ‘डब्लुएचओ’ ले कोरोना भाइरस नियन्त्रण तथा रोकथामका लागि दोस्रो अवसरको सदुपयोग गर्न अपील गरेको छ ।
डब्लुएचओका महानिर्देशक टेड्रोस अधानोम गेब्रेयिससले नियमित पत्रकार सम्मेलनका क्रममा अहिले गरिएको लकडाउनको सदुपयोग गरी रोग नियन्त्रणमा लिने प्रयास गर्न आब्हान गरेका हुन् ।
नियन्त्रणका लागि प्रमुख छ ओटा कदम चाल्न समेत डब्लुएचओले सुझाव दिएको छ । उसले स्वास्थ्य स्याहार र सार्वजनिक स्वास्थ्य जनशक्ति बढाउने, तालिम दिन र उनीहरुलाई नियन्त्रणमा खटाउन भनेको छ ।
शंकास्पद संक्रमित पहिचानसँगै परीक्षणको उत्पादन, क्षमता र उपलब्धता बढाउनु पनि महत्वपूर्ण हुने डब्लुएचओको भनाइ छ ।
त्यस्तै बिरामीको उपचार तथा आइसोलेशनमा राख्न आवश्यक सबै किसिमको सुविधाको व्यवस्था सहित सबै देशका सरकारलाई रोग नियन्त्रणमा जुटन पनि उसले आब्हान गरेको छ ।
