गोरखा समाचारदाता
गोरखा – गोरखा सदरमुकाम र वरपर सवारी चलाएको भन्दै प्रहरीले सवारीलाई नियन्त्रणमा लिएको छ ।
लकडाउनको समयमा पनि सवारी चलाएको भन्दै प्रहरीले त्यस्ता सवारीलाई नियन्त्रणमा लिएको हो ।
नेपाल सरकारले गरेको लकडाउनको नियम उल्घंन गरेको भन्दै सदरमुकामको कालिमाटी बजार बजारबाट दजर्नौ मोटर साईकल र ठुला बस प्रहरीले नियन्त्रणमा लिएको जिल्ला ट्राफिक प्रहरी कार्यालय गोरखाले जानकारी दिएको छ ।
मंगलबार बिहान ६ बजे देखी देशब्यापी रुपमा लक डाउन गरिएको भएता पनि केही उश्रृखल ब्यक्तिहरुले सवारी चलाउने प्रयास गरेकाले त्यस्ता ब्यक्तिलाई सम्झाई बुझाई सवारी नियन्त्रणमा लिएको जिल्ला प्रहरी कार्यालय गोरखाका प्रहरी उपरिक्ष ओमप्रसाद अधिकारीले बताए ।
प्रहरी दिउसो ११ः३० बजे सम्म ३१ वटा मोटरसाईल र ३ साना चार पाग्रे सवारी नियन्त्रणमा लिई सकेको छ । सवारी चेक जाँचलाई प्रभावकारी बनाउन प्रहरीले ठाउँठाउँमा चेक जाँच गरी रहेको छ ।
चेकजाँचमा जानेलाई मास्क बितरण
लकडाउनको समयमा चेक जाँचमा जाने प्रहरीहरुका लागि निशुल्क मास्क उपलब्ध गराईएको छ ।
सामुदायिक सेवा केन्द्रको समन्वयमा मनकामना यातायात सेवा प्रालिले मास्क हस्तान्तरण गरेको हो ।
जिल्ला भित्र चेक जाँचका लागि खटीएका जवानहरुका लागि मास्क अभाव भएको जानकारी प्राप्त हुना साथ सामुदायिक सेवा केन्द्र गोरखाले समन्वय गरी मनकामना यातायात सेवा प्रालिले मास्क हस्तान्रतण गरेको हो ।
यातायातको तर्फबाट सचिव सुमन श्रेष्ठले उपलब्ध गराएको मास्क जिल्ला प्रहरी कार्यालयका प्रहरी निरिक्षक सिम्रन घिताल र जिल्ला ट्राफिक प्रहरी कार्यालयका ट्राफिक प्रमुख सुकबहादुर विकलाई संयुक्त रुपमा हस्तान्तरण गरिएको थियो ।
