सूचना अभावमा सेवाग्राही सदरमुकाममा (फोटो फिचर)

आइतबार, चैत ०९, २०७६ मा प्रकाशित

गोरखा समाचारदाता

गोरखा – सूचना प्रवाहमा देखिएको समस्याका कारण सदरमुकाममा मानिसहरुको भिड लागेको छ ।

जिल्ला सुरक्षा समिति गोरखाले २५ जना भन्दा बढी भेला नहुन भनेता पनि बिहानै देखी गोरखा सदरमुकाममा सरकारी तथा बैंकहरुमा सेवालिनेहरुको भिड लागेको देख्न सकिन्छ ।

सरकारी कार्यालयमा सेवा लिन आएकाहरु कार्यालय बन्द भए पछि सूचना हेरेर फर्किएका छन भने बैंक तथा वित्तिय संस्थाहरुमा भने बिहानै देखी मानिसहरुको भिड देखिएको छ । सदरमुकाममा रहेको केही बैंकमा अहिले सयौंको संख्यामा मानिसहरु जम्मा भएर सेवा लिई रहेको भएता पनि प्रशासन भने यसबाट वेखबर भएको देखिन्छ ।

अहिले सदरमुकामको राष्ट्रिय बाणिज्य बैंकमा सेवा लिनेहरुको लर्को नै छ । बिना मास्क र मास्क लगाएकाहरुको यो भिड देख्दा कुनै संकट आई लागेर बैंकको लाइनमा जम्मा भए जस्तो देखिएको छ ।

जिल्ला स्थित प्राय सरकारी कार्यालयले सूचना जारी गर्दै आगामी २१ गते सम्म सबै सेवा बन्द गरेको जानकारी गराएको छ ।