गोरखा समाचारदाता
गोरखा – कोरोना भाइरसका कारण सोमबार देखी गोरखाको ४ सय भन्दा बढी सार्वजनिक यातायात बन्द गरिने भएको छ ।
अन्तराष्ट्रिय स्तरमा नै फैलिएको यो रोगका कारण नेपाल पनि प्रभावमा परेको भन्दै जिल्ला भित्रको यातायात ब्यवसायीहरुले सोमबार देखी केही दिनका लागि सार्वजनिक यातायात पुर्ण रुपमा बन्द गराएको हो ।
गोरखाको सार्वजनिक यातायात बन्दको स्वागत गर्दै प्रमुख जिल्ला अधिकारी सुरेन्द्र पौडेलले भने हामीले आग्रह गरेका थियौ, साथीहरुले सार्वजनिक यातायात बन्द गरेर सरकारलाई सहयोग गरेकोमा खुशी छौ । हामीले सर्व साधारण जनतालाई जहाँ छौ त्यही बस्नु भनेका छौ । यातायात बन्द हुदा यसले झनै सहयोग पुग्ने प्रजिअ पौडेलको भनाई छ ।
जिल्लामा सञ्चालित पृथ्वी राजमार्ग बस सञ्चालक समितिले आजै दिउसो वैठक गरेर जिल्ला भित्र र जिल्ला बाहिर जाने आउने सबै सार्वजनिक यातायातलाई तत्कालकौ लागि स्थगित गर्ने जानकारी दिएको छ ।
गोरखा प्रतिनिधी राजन ढुङ्गानाका अनुसार गोरखा सदरमुकाम भएर पोखरा, काठमाण्डौं, नारायणगढ विरञ्गज, भैरहवा, टाढी, खोले सिमल, चैनपुर, वेसिशहर र गौर जाने माईक्रो र ठुला सवारीलाई तत्कालको लागि सेवा स्थगित गर्न लागेको बताए । यस अन्तरर्गत बस र मिनि बस गरी ८४ वटा सवारी सञ्चालनमा छन ।
त्यस्तै गरी जिल्लामा सेवा दिदै आएको दरौदी यातायाता सेवा प्रालिले पनि सोमबार देखी नै जिल्ला भित्र र बाहिर जाने यात्रुबाहक सवारीलाई स्थगित गरेको छ ।
गोरखा सदरमुकाम हुदै अधिकाशं ग्रामिण सडकहरु भच्चेक, बारपाक, सौरपानी, पाल्खु, खारचोक भञ्ज्याङ, आरुर्खेत, सोती, आरुघाट, धावा, बोर्लाङ, घाटबेशी, नामजुङ, फुजेल, बतासे, मनकामना र जिल्ला बाहिर जाने काठमाण्डौ, नारायणगढ र पोखराका सबै यात्रुबाहक सवारीलाई तत्कालको लागि स्थगित गरेको सचिव अञ्जनबावु खत्रीले बताए ।
चालक र सह चालकको स्वास्थ्य भन्दा पनि सर्व साधारणको स्वास्थ्यलाई ध्यानमा राखी यात्रुबाहक सवारीलाई तत्कालको लागि सेवा बन्द गरिएको र नेपाल सरकारले अर्को सूचना जारी गर्नासाथ सेवा सुचारु गर्ने खत्रीले बताए । यो सेवा अन्रतर्गत जिल्लामा ३२५ वटा यात्रुबाहक सवारी सञ्चालन हुदै आएको छ ।
उता जिल्ला भित्र ट्याक्सी सेवा दिदै आएको मनकामना यातायात सेवा प्रालिले पनि आजै वृहत्त वैठक गरी सेवा स्थगित नगरे पनि घर घरमा नै रहेर सेवा दिन आग्रह गर्ने सचिव सुमन श्रेष्ठले बताए ।
